القسم الادبي
اللى عليها الدور
الكنيسة اللى عليها الدور
اتمنى اعرف الكنيسة اللى عليها الدور
علشـان اروح اخـد بـركتها وللسمـا ازور
تعبت من الظلمة وعايز اعيش فى النور
الحياة فى العالم صعبة والقلب اصبح بور
عايش فى الخطية وروحى ذليل مكسور
اتمنى اعرف الكنيسة اللى عليها الدور
علشـان اروح اخـد بـركتها وللسمـا ازور
تعبت من الظلمة وعايز اعيش فى النور
الحياة فى العالم صعبة والقلب اصبح بور
عايش فى الخطية وروحى ذليل مكسور
حد يقولى الكنيسة اللى عليها الدور
اذهب احضـر القـداس وسط صلاة وبخـور
منتظـر لحظـة لقـاء يسوع فـرحان مسرور
لانى بمسيحيتى فى نعمة حقيقى وفخور
وبدم المسيح الفادى متغطى كلى ومستور
ومكان الشهيد فى الانجيل معروف ومذكور
اللى هايقولى على الكنيسة انا لة مشكور
ولما اطلع فوق اشوف الشهداء بجسم نـــور
ارنم معاهم الترنيمة ومديح واسبح المزمــور
مكان مقـدس لا فى فاكهة ولا خمر ولا حـــور
سما اتمنى العيش فيها واشوف يسوع منظور
مع ملايكة وقديسين وشهداء والعدرا ام النور
انا مش عارف الكنيسة اللى عليها الدور
بقلمى ..ميلاد
11/5/2011
